Policia e Sarandës ka arrestuar një 19-vjeçar këtë të shtunë, pasi i riu akuzohet se i ka vjedhur 400 euro punonjësit të një lavazhi.
Sipas policisë, i riu me inicialet I.A. dyshohet se ka kryer krimin në lagjen nr.3 të qytetit, në datën 31 dhjetor 2024.
“Shërbimet e Komisariatit të Policisë Sarandë, në vijim të punës për parandalimin e vjedhjeve, zbardhjen e rasteve të ndodhura dhe vënien e autorëve përpara përgjegjësisë ligjore, organizuan punën për identifikimin dhe ndalimin e autorit të një rasti të vjedhjes me dhunë në qytetin e Sarandës. Si rezultat, u bë i mundur ndalimi i shtetasit:
I. A., 19 vjeç, banues në Sarandë“,-njofton policia.
