Komisioni Qëndror i Zgjedhjeve ka prezantuar paraditen e kësaj të premteje Platformën Elektronike të Regjistrimit “PER” për emigrantët që do të votojnë për herë të parë me postë në zgjedhjet parlamentare të 11 Majit 2025.
Kjo platformë e krijuar nga KQZ, synon të lehtësojë regjistrimin e shtetasve shqiptarë jashtë vendit, duke iu mundësuar atyre ushtrimin e të drejtës së votës.
“PER” do të jetë e disponueshme në versionet desktop dhe mobile, pa pagesë, për të siguruar akses të gjerë dhe përdorim të lehtë nga çdo pajisje.
Platforma përbëhet nga dy module kryesore: Moduli i regjistrimit, ku zgjedhësit paraqesin kërkesat e tyre për regjistrim, dhe Moduli i shqyrtimit të kërkesave, që mundëson verifikimin dhe menaxhimin e tyre nga autoritetet përkatëse.
Për regjistrimin në aplikacionin me të cilin do votojnë votuesit kryesore do të jetë; Pamje e fytyrës me anë të verifikimit nga kamera, numri i telefonit dhe të dhënat e kartës së identitetit.
Aksesimi i “PER” do të bëhet nëpërmjet aplikacionit të KQZ në telefon ose nga faqja e KQZ në cfarëdolloj paisje kompjuterike. Zgjedhesi do te krijojë një llogari në “PER” ku do të kryej të gjitha procedurat e regjistrimit.
Si do të bëhet regjistrimi i emigrantëve në platformën për votën e diasporës?
Redjon Lila, specialist i votimit nga jashtë: Për çdo shtetas, duhet të krijojë një llogari në PER. Zgjedhësi duhet të ketë 2 opisione për krijimin. Qoftë numri, qoftë e-mail duhet të jenë të saktë. Konfirmojmë se numri që kemi shkruar është i saktë. Në këtë moment, do të na vijë një mesazh nga KQZ me një kod 6-shifror 1-përdorimësh. Mjafton të shkruajmë këtë kod dhe vazhdojmë me hapin e mëtejshëm. Zgjedhësit do t’i kërkohet të krijojë një fjalëkalim të ri, duhyet të përmbajë 8 karaktere në total.
Aplikimin duhet ta bëjë një person real, i gjallë. Në kamerë, duhet të qendërzohet për të kapur një imazh real të fytyrës. Nuk mund të vendoset foto. Në këtë fazë, zgjedhësi duhet të vendosë të dhënat e tij personale, duhet të ketë kujdes që të jenë në përputhje me ata që ka në mjetin e identifikimit, qoftë kartë identiteti apo pasaportë. Në këtë moment, zgjedhësit i konfirmohet që krijoi profilin e tij dhe ai mund të rihyjë më vonë dhe të aplikojë kërkesën e tij. Në këtë rast, unë dua që kërkesën time ta bëj më vonë.
