Analisti Andi Bushati, ka qenë i ftuar në emisionin “Të Paekspozuarit”, ku ka folur për hetimin pasuror që SPAK po zhvillon ndaj Erion Veliajt, bashkëshortes dhe rrethit të tij të ngushtë.
Bushati tha se hetimi është një goditje për Veliajn por deklaroi se SPAK po heton krimet e rëndomta, ndërkohë që e ka amnistuar për aferat e inceneratorëve dhe 5D.
“SPAK ka hedhur hap të rëndësishëm për goditjen e Veliajt. E dimë se është futur në një proces goditje, demaskimi të Erion Veliajt. Nuk më çudit nëse i bashkohet drejtorëve të vet. Problemi kush është? Problemi është, përshembull Veliaj ka dhënë leje dhe paratë kanë vajtur në llogaritë e vëllait. A mund të dënohet ai për këtë? Patjetër. A mund të dënohet njeri për veset, fustanet e gruas, lekët që mban gruaja të fshehura në sirtar? Patjetër burgosesh dhe dënohesh edhe për këtë. Por, meqë mora fabulën e vëllait të Veliajt. Vëllai i Veliajt kontrollon 90% të reklamës që shpërndahet në tregun mediatik. Përshembull unë kam patur reklamë nga ish AMC, ka ardhur vëllai i Veliajt dhe e ka hequr.
Ajo që heton SPAK, mos ka rrjedhur ndonjë lek korrupsioni kriminal është, por jo dëshmia e një shteti kriminal që ka kapur mbarë sistemin mediatik. Nuk do të shkoja te llogaritë në Bullgari të vëllait të Veliajt, por te zyrat e ONE. Të kontrollosh mediat përmes reklamës, është të përmbysësh një regjim shoqëror dhe politik.
Nërsa pjesa tjetër është një krim i rëndomtë. Të blesh fustanet e shtrenjta të gruas me kartën e vjehrrës, por të blesh mediat, siç po shohim se ç’bën Erion Veliaj akoma edhe sot, është krim që na tregon sistemin ku jetojmë. Me çfarë do ta krahasoja SPAK? Me një polic, që themi kapi një bandit hajdut dhe kriminel. Por, të njëjtin polic ne themi, la edhe këtë çështje, është edhe ky kriminel, është edhe kjo bandë që bën sikur e harron. Shoqëria jonë nuk vuan nga hajdutë individual, por vuan nga një bandë kriminale që ka kapur shtetin, mediat, ka kapur zgjedhjet e deri të Gjykata Kushtetuese. A hetohet kjo? Po nuk hetuam këtë…
Është një sekret publik që regjimi i Ramës mbahet me paratë e drogës që bëjnë kulla. Ka shkuar SPAK te një nga këto kulla? Mua më interesojnë tangat e Ajolës, apo lekët e drogës nëpër gradaçela? Nëse merresh me tangat e Ajolës, do shpëtosh kullat e krimit”, tha ndër të tjera Bushati.
