Trafik i rënduar raportohet këtë mbrëmje në autostradën Tiranë-Elbasan.
Mësohet se trafiku i makinave shkon 6 deri në 7 kilometër kjo për shkak të fluksit të qytetarëve që udhëtojnë drejt jug-lindjes (Korçës dhe Pogradecit) për të festuar Krishtlindjet nën “petkun” e dëborës.
Trafiku në qarkun e Elbasanit është kthyer në një problem të vërtetë për shkak se është zvarritur puna për ndërtimin e “bajpasit” të qytetit. Tashmë automjetet që përshkruajnë jug-lindjen janë të detyruar që të futen fillimisht në unazën e qytetit të Elbasanit pastaj të dalin prej saj duke krijuar kaos dhe fluks të madh, pikërisht këto automjete të cilat janë ‘tranzit’ në këtë qark.
Kohët e fundit për të përshkruar jug-lindjen e vendit për shkak të trafikut të rënduar një shoferi duhet të kalojë një kalvar të gjatë vuajtjesh. Për shkak të mungesës së bajpasit të Elbasanit por edhe punimeve të rrugës në një Librazhd, për të shkuar nga Tirana në Korçë një qytetar duhet të shpenzojë mbi 4-5 orë kohë për një distancë rreth 160 km.
Ky kalvar i gjatë vuajtjesh tremb edhe ata pak turistë që vizitojnë vendin tonë pasi në çdo vend të Bashkimit Europian nuk imagjinohet që një distancë e shkurtë prej 160 kilometrash të përshkruhet për 5 orë.
Lexo edhe:
Tirana në kolaps, policia dështon në menaxhimin e trafikut. Kush mban përgjegjësi?
