Mandarina Klementine është një lloj shartese me portokallin që ka më shumë vlera dhe për rrjedhojë ka çmime më të larta dhe është më e kërkuar në tregjet ndërkombëtare. Kjo lloj mandarine ka një fund pak të sheshtë në dallim me llojin klasik të frutës.
Për shkak të fitimeve më të larta që sjell, fermerët shqiptarë në disa raste kanë përdorur pesticide të ndaluara për rritjen e saj. Bllokimi i sasive në pikat kufitare të BE (Kroaci), përveçse ka dëmtuar imazhin e prodhimeve shqiptare në tregjet e BE-së, mbi të gjitha shëndeti i konsumatorëve shqiptarë është në rrezik. Ndërsa qindra fermerë që kanë kultivuar me ndershmëri mandarinë po pësojnë humbje të konsiderueshme nga dëmtimi i imazhit.
Për të shmangur rrezikun dhe të ndërgjegjshëm që organet kompetente nuk funksionojnë konsumatori shqiptar ka gjetur si “zgjidhje” të vetme që të mos blerë mandarina të cilat mund të përbëjnë rrezik për shëndetin, në veçanti ndaj fëmijëve.
Duke justifikuar dështimin e kontrolleve të AKU-së, Ministria e Bujqësisë sot ka nxitur konsumit e produkteve shqiptare për festat e fundvitit dhe në vazhdim.
Në vendin tonë nuk ekzistojnë organet kompetente për mbrojtjen e konsumatorit të cilat kanë punësuar “patronazhistë” dhe “taksidarë” që mbyllin sytë në momentin kur korruptohen ndërsa në treg lejojnë ushqime me helm dhe pesticide të dëmshme për shëndetin.
“Për vitin 2024 mbi 85% e prodhimit të mandarinave shqiptare është vjelë dhe është shitur në tregun e brendshëm dhe atë ndërkombëtar dhe në asnjë rast nga të gjitha kontrollet dhe analizat e kryera nuk kanë rezultuar me mbetje të pesticideve. Sot, kultivimi i mandarinave shtrihet në mbi 1,000 ha nga fermerë tregu dhe prodhues më të vegjël”, reagoi Ministria.
