Deputetit i PD-së Flamur Noka, ka komentuar përplasjen fizike në seancën plenare të së enjtes me kryetarin e partisë “Mundësia” Agron Shehaj.
I ftuar në News24, Noka tha se Shehaj tentoi të pengonte betejën e opozitës, ku theksoi se në seancën e së enjtes ishte projektuar që opozita të fliste për tatimin mbi profesionet e lira dhe jo për interpelancën e rrugës Kashar Thumanë, që kërkoi Shehaj.
Demokrati tha se PD e kishte konsumuar në kuvend disa javë më parë interpelancën për rrugën Kashar-Thumanë dhe se neni i rregullores nuk lejon që një çështje të diskutohet dy herë në sesionin parlamentar.
Më tej Noka tha se Shehaj është marrë peng nga qeveria dhe Erion Veliaj.
“Seanca e së enjtes për PD ishte projektuar një seancë beteje me mazhorancën. Në një pikë që ishte thelbësorë jo vetëm për ne si opozitë, ishte projektligji që kishte të bënte mbi tatimin për profesionet e lira dhe të ardhurat, që PD gjithë vjeshtën ka bërë betejë të egër kundër regjimit për të mbrojtur profesionet e lira.
Tani ne na del opozita e opozitës bëhet pengesë për ketë betejë. Pra mazhoranca kishte gjetur një strategji që kjo betejë të mos bëhej. Siç e patë aty radhën e kishte Berisha, shkoi për të folur dhe nuk u lejua nga opozitari i opozitës zoti Shehaj.
Ai përsëri nuk ndërhyri…Shehaj si opozitar i caktuar i opozitës tentonte të bllokonte seancën dhe të sfumonte betejën e opozitës, me një kauz fake. A e di cila është, kauza fake është ajo për të cilën ai u ngrit. PD për rrugën Thumanë Kashar ka bërë një betejë 4 mujore, dy muaj e gjysmë ishin demokratët që drejtoheshin nga deputetja Hoti, Ulliri, deputeti Piroli që bënin betejë të pareshtur. Ishte PD dhe përfaqësues të saj që bënë betejë dhe kundër traut. A e mbani mend ku ishte ky opozitar i opozitës në atë kohë? U bë beteja 3 mujore, ishte PD që e udhëhoqi atë betejë , ku ishte ky opozitari i opozitës? Neni i rregullores nuk e lejonte që të bënte atë që bëri sepse interpelanca ishte konsumuar më parë nga PD, ne kishim bërë interpelancë për rrugën Kashar-Thumanë.
Deputetët e PS i linte të fliste, deputetët e PD jo. Tani i thanë sajo një gjë ti që të bllokosh opozitën…Ky është në shërbim të qeverisë si opozitar i opozitës…Veliaj dhe Balluku janë një, janë Edi Rama. Janë të dy ushtarë të Ramës dhe janë një“, tha Noka.
