Në disa qarqe, si Gjirokastra, Vlora dhe Fieri, popullsia në moshë pune ka më shumë persona në ngarkim për tu kujdesur, të tillë si fëmijë dhe pleq.
Koeficienti i varësisë së përgjithshme mat popullsinë 0-14 vjeç dhe atë mbi 65 vjeç ndaj popullsisë në moshe pune 15-65 vjeç.
Sa më shumë të rinj dhe pleq të ketë një qark i caktuar, aq më e lartë është barra e popullsisë në moshë pune për kujdesin ndaj tyre.
Psh në qarkun e Gjirokastrës koeficienti i varësisë së përgjithshme është 65 për qind. Kjo do të thotë se popullsia 0-14 vjeç dhe popullsia +65 vjeç është sa 65% e popullsisë në moshe pune (15-65 vjeç). Popullsia në moshë pune në këtë qark është më ngarkuara financiarisht për grup -moshat e tjera që nuk janë në tregun e punës në krahasim me qarqet e tjera.
Të dhënat tregojnë Gjirokastra është më e ngarkuar në kujdesin ndaj pleqve se sa fëmijëve. Gjirokastra ka raportin e varësisë së të rinjve më të ulëtin nga qarqet e tjera (19,0%) dhe raportin më të lartë të moshuarve (46,1%).
Pas Gjirokastrës Vlora është qarku, ku popullsia në moshë pune ka një peshë më të madhe për tu kujdesur për pleqtë dhe fëmijët. Këto dy grupe përbëjnë 64.7 për qind të popullsie në moshë pune në Vlorë. Edhe në këtë qark peshën më të madhe e kanë pensionistët. Pensionistët në Vlorë janë sa 43 % e popullsisë në moshë pune dhe fëmijët vetëm në 21 %.
Qarku i Fierit gjithashtu ka koeficient të lartë të varësisë së përgjithshme pasi fëmijët dhe pensionistët zënë 60.7 për qind të popullsisë në moshe pune. Pensionistë janë 38 për qind e forcës punës në Fier ndërsa fëmijët janë sa 21 për qind.
Në të kundërt qarqet me koeficientin më të ulët të varësisë së përgjithshme janë Tirana, Kukësi dhe Dibra.
Në Tiranë popullsia në grup-moshën 0-14 vjeç dhe ajo 65+ janë 49 % e popullsisë në moshe pune 15-65 vjeç.
Tirana ka një ekuilibër ndërmjet varësisë ndaj të moshuarve dhe të fëmijëve, ku secila zë nga 25 për qind të popullsisë në moshe pune.
Qarku i Kukësit ka koeficientin e varësisë së përgjithshme 51 %. Ku fëmijët 0-14 vjeç zënë 32 % të popullsisë në moshe pune dhe pensionistët 20 %.
Të dhënat tregojnë se politikat për të rinjtë duhen të përqendrohen në Veri, ndërsa në Jug duhet të shtohen shërbimet sociale dhe shëndetësore për të moshuarit./ MONITOR
