Deputetja e PD-së, Ina Zhupa i ka kërkuar edhe në seancën e sotme plenare në Kuvend dorëheqjen ministres së Arsimit, Ogerta Manastirliut.
Zhupa hodhi një sërë akuzash mbi Manastirliun për sistemin arsimor, duke nisur nga mungesa e digjitalizimit tek mungesa e sigurisë në shkolla.
Deputetja demokrate i kërkoi Manastirliut që të largohet dhe të marrë me vete faturën e dështimit, teksa sipas saj, ky do të jetë akti i vetëm që do të duartrokitet nga opozita.
Zhupa: Smart lab, po teknologjia është e ardhmja, por si i keni përdorur ju si qeveri parat që janë dhënë nga buxheti për të futur teknologjinë në shkolla. Si mund të vihet dhe kërkohet një kredi kur janë shpenzuar për digjitalizimin 18 mln euro nga taksat e shqiptarëve për të mos pasur asnjë rezultat në digjitalizim. Periudha e covid ishte periudha ku nxënësit nuk zhvillonin dot mësim online pasi mungonte digjitalizimi. Një pjesë e shkollave nuk kanë kompjutera, po ashtu edhe aty ku ka kompjutera nuk ka lidhje interneti dhe nuk shërben që të bëjnë mësim online dhe të aksesojnë të dhëna. 5 % e shkollave në vend kanë lidhje interneti.
Tregon se jemi në një gjendje të mjerueshme dhe duhet të investohet po pse duhet të merrni 27 milion euro, kur këto mund ti kishim kaluar me buxhetin e shtetit që kaluan, pse si morëm këto para nga inceneratorët dhe nga Check up dhe nga koncensionet e tjera që vidhen. Zonja ministre largohuni, jepni dorëheqjen dhe merr përsipër faturën e një dështimi si është ai i sigurisë në shkolla, jep dorëheqjen dhe do të jetë akti i vetëm që do të duartrokitesh nga opozita.
