Deputetja Ina Zhupa, ka ngritur ditën e sotme akuza ndaj mazhorancës se kjo e fundit po e trajton kuvendin si njëpartiak.
Gjatë fjalës së saj në Komisionin e Kulturës, Turizimit dhe Diasporës, Zhupa u shpreh se mazhoranca rrëzon me votë të drejtat kushtetuese të opozitës që nga komisionet hetimore, të interpelancat me kryeministrit, seancat dëgjimore me ministrat dhe mocionet me debat.
Sipas Zhupës vendimarrjet në Kuvend nuk vijnë si rezultat i zbatimit të kushtetutës dhe rregullores por si rezultat i forcës së kartonit.
“Mazhoranca ditë pas dite po e trajton kuvendin si njëpartiak, ku vendimarrjet nuk vijnë si rezultat i zbatimit të kushtetutës dhe rregullores por si rezultat i forcës së kartonit. Ju rrëzoni me votë të drejtat kushtetuese të opozitës, që nga komisionet hetimore siç ishin ai për zgjedhjet dhe Mcgonigal, të interpelancat me kryeministrit, seancat dëgjimore me ministrat, mocionet me debat. Ndërkohë që predikoni rrugëtimin europian për Shqipërinë, silleni me standarte afrikane. Ju e keni ëndërr një parlament monopartiak si Enver Hoxha por ne nuk ja u lejojmë. Do qëndrojmë në mbrojtje të kushtetutës, të interesit publik, në komisione, në seanca dhe kudo në çdo hapësirë. Për të shfrytëzuar çdo hapësirë për tu përballur me të keqen. Ju nuk doni të flitet për skandalin e onkologjikut, për mungesën e ilaçeve, për skandalin e fondeve IPARD dhe gjendjen e mjerueshme të fermerit”, tha ligjvënësja demokrate mes të tjerash.
