Analistja Anduena Llabani ka konfirmuar se ndaj kreut të FSHZH, Dritan Agolli, ka një hetim nga SPAK me dyshimet se ka përfituar para publike, përmes nënkontraktimeve dhe kompanive që u ka dhënë tendera publik.
Llabani theksoi se ka një dokumentacion ku nga një subjekt me mbiemrin “Fusha”, Agolli ka marrë një tokë në zonën e Lundrës për të ndërtuar resorte vilash.
Ao shton më tej SPAK do kryejë hetime mbi pasurinë dhe personat që kanë përfituar tendera gjatë kohës që Agolli ka drejtuar.
“Në 12 dhjetor Dritan Agolli u paraqit në SPAK, u mor në pyetje. Duke hulumtuar ne arritëm të kuptojmë dhe të informohemi që ndaj Dritan Agollit ka një çështje nën hetim, por specifikisht s’na është thënë për kë bëhet fjalë. Por mos harrojmë që Dritan Agolli është pronar i një kompanie e quajtur ‘Magnum Opus’ group me objekt studime në nivel strategjik, menaxherial, operacional, analiza, vrojtime, sondazhe, konsulencë, shërbime administrative etj.
Kompania rezulton që ka marrë para publike. Agolli ka siguruar para publike përmes nënkontraktimeve dhe kompaninë që u ka dhënë tendera publik. Kemi një marrëdhënie që kreu i FSHZH ka kryer me kompani private, me të cilët i ka lidhur interesi.
Një vit pasi Agolli është emëruar në krye të FSHZH, i biri i tij deklaron se gjyshi i ka dhuruar një shtëpi me sipërfaqe gati 1550 metra/katror, ndërsa Agolli ka deklaruar në institucionin kundër pastrimit të parave se ka shitur një apartament 360 mijë euro, ndërkohë që vlera e tij ka qenë gjysmë për gjysmë në kohën e blerjes. Me këtë lëvizje ka justifikuar blerjet e apartamenteve dhe garazheve ku ai jeton dhe i ka pronë të tij. Bëhet fjalë edhe për një shumë që do t’ia kalonte biznesit të djalit të tij, 400 mijë euro. Sipas një reagimi nga Agolli kjo procedurë është pezulluar dhe kjo ka mbetur në tentativë. Një çështje për të cilën SPAK ka bërë verifikim, por se çfarë ka bërë me kompaninë private dhe fondet publike, kjo është pikëpyetje e madhe.
Kemi një dokumentacion ku nga një subjekt me mbiemrin ‘Fusha’, Agolli ka marrë një tokë fare pranë televizionit tonë, një pozicion i leverdishëm, për të ndërtuar një resort vilash, për të cilën s’e dimë nëse SPAK ka nisur hetimet. Toka është marrë edhe është Kadastra dhe institucionet e tjera që verifikojnë në emër të kujt është marrë dhe kush është investitori. Tashmë mbetet vetëm argumentimi me fakte dhe prova për ta çuar Agollin në proces hetimi.
U interesova pranë SPAK, dhe përgjigjja zyrtare ishte që ndaj këtij personazhi ka një hetim paraprak. Dokumentacionet nuk lëvizin vetëm në rang gazetarësh, por janë pjesë e një dosje hetimore të SPAK. Besoj që SPAK do shkojë te hetimi i pasurisë, personat që kanë përfituar tendera gjatë kohës që ai ka drejtuar.”- tha Llabani për MCN Live”
