Lëvizja Bashkë i ka bërë thirrje pensionistëve që t’i bashkohen protestës së ditës së mërkurë përballlë Kryeministrisë.
Kjo do të jetë protesta e 7 pensionistëve përballë kryeministrisë, ku sipas Lëvizjes Bashkë, kauzat do të jenë pensione dinjitoze dhe minimum jetik.
Ndërsa në fund, Lëvizja Bashkë thekson se bonusi i njëmuajshëm i qeverisë është një tallje dhe nuk e zgjidh as problemin e urisë, as atë të pasigurisë për të moshuarit.
Postimi i plotë i Lëvizja Bashkë:
PENSIONISTËT PËR DINJITET DHE MINIMUMIN JETIK
Të mërkurën, më 18 dhjetor, në orën 10:00 përpara Kryeministrisë, pensionistët do të protestojnë sërish për të kërkuar të drejtat e tyre të mohuara dhe një jetë me dinjitet.
Kjo është protesta e shtatë, por kauza mbetet e njëjtë: pensione dinjitoze dhe minimum jetik!
Në një Shqipëri ku oligarkët dhe politikanët e korruptuar përfitojnë miliona euro nga paratë publike, pensionistët e këtij vendi jetojnë në varfëri të thellë. Bonusi i njëmuajshëm i qeverisë është një tallje dhe nuk e zgjidh as problemin e urisë, as atë të pasigurisë për të moshuarit.
Bashkohuni për të thyer heshtjen e një pushteti të shurdhër ndaj zërit të shumicës!
Të mërkurën, ora 10:00 përpara Kryeministrisë, për një Shqipëri më të drejtë!
#BASHKË mund të ndryshojmë të ardhmen!
