Gjykata e Vlorës ka liruar nga burgu ditën e sotme 14-vjeçarin Valentino Tozaj, i cili u arrestua nën akuzën për armë-mbajtje pa leje.
Prokuroria e Vlorës kishte kërkuar caktimin e masës së sigurisë “detyrim paraqitje” për 14-vjeçari, bazuar në Kodin e Drejtësisë për të mitur dhe gjykata e miratoi.
I mituri kishte fshuhur në një banesë të braktisur një pistoletë dhe 130 fishekë ushtarakë, teksa rasti fillimisht u denoncua nga babai i tij, pasi kishte parë një video në telefonin e të birit, ku ai shfaqej me armën dhe disa shokë në mal.
Seanca gjyqësore është zhvilluar në prani të të miturit dhe psikologut. I mituri është shfaqur i penduar për veprimin e tij, teksa ka treguar se pistoletën e ka gjetur në një godinë të braktisur dhe e ka mbajtur pasi me disa shokë kanë bërë video në mal për TikTok.
Avokatja mbrojtëse e 14-vjecarit, Xhoana Hyka ka sqaruar se gjykata e ka liruar nga burgu të miturin mbi bazën e ligjit për të mitur ku 14-vjecari konsiderohet në moshë fare të vogël për të mbajtur përgjegjësi penale.
“Sapo përfunduam seancën gjyqësore për vlerësimi dhe caktimin e masës së sigurisë për të miturin në konflikt me ligjin. Gjykata u bazua tek kodi i drejtësisë penale për sa i takon masës së sigurimit nga ‘arrest me burg’ në ‘detyrim paraqitje’. Nuk mund të paragjykojmë punën e Prokurorisë dhe hetimëet derisa Gjykata të japë një vendim përfundimtar. Mendojmë që vendimi i dhënë sot është një vendim i drejtë”, tha avokatja e të miturit për mediat
Bardhosh Tozaj, babai i 14-vjecarit pas përfundumit të seancës gjyqësore falenderon institucionet për bashkëpunimin që sipas tij kanë parandaluar një ngjarje kriminale. Tozaj i bënë thirrje prindërve të bëjnë kujdes dhe kur dyshojnë dicka tek fëmijët e tyre ta denoncojnë.
“Jam i tronditur edhe pse të tjerët e kanë marrë si lojë, mund të ndodhte një tragjedi. Falenderoj të gjitha organet për bashkëpunimin që arritën deri në këtë pikë. Kam një mesazh për të gjithëq prindërit që tu rrinë afër fëmijëve, tëe komunikojnë dhe bashkëpunojnë me institucionet mësimore dhe policinë”, u shpreh babai i 14-vjeçarit
