Kryetarja e Gjykatës Kushtetuese, Holta Zaçaj ka komentuar publikisht debatin për mbarimin e mandatit të saj.
E ftuar në News24 ajo dekalroi se mandati i saj përfundon në ditën e fundit të 2025, referuar nenit 148 të kodit të procedurës civile. Për vakancat, Zaçaj u shpreh se Gjykata e Lartë nuk e ka vënë në dijeni, duke thënë se e ka lexuar në media.
“Unë do shpjegoj pse unë mendoj që mandati im mbaron në fund të 2025, sepse dispozita nuk e lidh me asnjë lloj elementi tjetër këtë gjënë. Ne sipas rregullores së brendshme, sa kohë kemi vakum ose nuk kemi një rregullim specifik në ligin tonë organik, rregullorja në lejon të shkojmë në kodin e procedurës civile dhe po të shkojmë në nenin 148 të kodit të procedurës civile është llogaritja e afateve dhe thuhet kur afatet nuk janë të llogaritur me datë ose muaj, ti do shkosh në datën e fundit, të javës apo të vitit. Unë kështu e interpretoj këtë dispozitë. Sepse as nga praktika nuk me del. Gjithmonë në 32 vite kemi pasur data të mbartura të mandateve”, tha nder të tjera Zaçaj.
Zaçaj tha se i është drejtuar Venecias, si një organ këshillimor, pasi sispas saj, Gjykata e Lartë pa pritur shpalljen e vakancës nga Kushtetuesja, nisi procedurat për zëvendësimin e saj.
“Kam funksionin e Kryetarit dhe të gjyqtarit, që është në pikëpyetje për të përfunduar. Pikërisht për këtë situatë iu drejtova Komisionit të Venecias, pasi vura në dijeni Gjykatën e Lartë, e cila, pa pritur shpalljen e vakancës nga Kushtetuesja, nisi procedurat, si organ i emërtesës”, tha Zaçaj.
