Donald Trump thelloi më tej shakanë e tij me kryeministrin kanadez Justin Trudeau pasi tha se Kanadaja mund të bëhet një shtet amerikan nëse fqinjët e veriut nuk janë në gjendje të paguajnë tarifën prej 25% që ai po paralajmëron.
Presidenti i zgjedhur iu referua udhëheqësit kanadez si ‘Guvernatori Justin Trudeau’ në një postim në Truth Social, ndërsa iu referua shtetit fqinj si “Shteti i Madh i Kanadasë”.
Në fillim të këtij muaji, u shfaqën raporte që detajonin takimin e Trump me Trudeau në West Palm Beach, Florida më 29 nëntor. Trudeau i tha Trump gjatë takimit të tyre se vendosja e një takse kaq të madhe të importit në Kanada do të vriste plotësisht ekonominë e tyre.
Për këtë, presidenti i zgjedhur sugjeroi që Kanadaja të bëhej shteti i 51-të i SHBA-së. Kryeministri dhe të tjerët në tavolinë qeshën me nervozizëm me sugjerimin, sipas burimeve që ishin në takim.
Trudeau i tha gjithashtu Trumpit se nuk do të donte që Kanadaja të ishte pjesë e SHBA-së, sepse do të ishte një shtet ‘shumë liberal’. Trump më pas sugjeroi që ndoshta të jenë dy shtete të veçanta, njëri më konservator dhe tjetri liberal, për ta balancuar.
Një ministër i kabinetit kanadez, Dominic LeBlanc, sqaroi se komenti i Trump dhe kthimi pas saj ishte një ‘shaka’ dhe u mor si i tillë.
Por tani, presidenti i ardhshëm i SHBA-së ka vijuar shakanë e tij ndaj Trudeau dhe ka përmendur kthimin e Kanadasë në një shtet të SHBA-ve.
“Ishte kënaqësi të darkoja natën e kaluar me Guvernatorin Justin Trudeau të Shtetit të Madh të Kanadasë”, postoi Trump në Truth Social pak pas orës 12 të mëngjesit të së martës.
“Mezi pres të shoh sërish Guvernatorin së shpejti, në mënyrë që të vazhdojmë bisedimet tona të thella mbi Tarifat dhe Tregtinë, rezultatet e të cilave do të jenë vërtet spektakolare për të gjithë!” shtoi ai.
Në fillim të këtij muaji, vetëm pak ditë pas takimit, Trump gjithashtu përqafoi publikisht shakanë e tij duke postuar një foto të tij duke qëndruar pranë një flamuri kanadez me pamje nga një varg malesh.
Trump dhe Trudeau u takuan në Florida muajin e kaluar.
Kjo erdhi pasi Trump postoi në mediat sociale se ai dëshiron të vendosë një tarifë prej 25% ndaj Kanadasë dhe Meksikës nëse fqinjët e SHBA-ve nuk ndërmarrin veprime për të shtypur kalimet e paligjshme në SHBA përmes kufijve të përbashkët.
