Një 42-vjeçar shqiptar ka rënë në prangat e policisë italiane, pasi u kap me tre kilogramë drogë.
Mediat italiane shkruajnë se lënda narkotike e sekuestruar përfshinte kokainë, hashash dhe marijuanë, ndërsa shqiptarit iu gjetën edhe tre ora, bizhuteri të shumta ari dhe argjendi, me mbishkrime të personalizuara, të cilat dyshohet se janë të vjedhura.
Arrestimi i tij u krye si pjesë e një operacioni për parandalimin dhe luftimin e shpërndarjes së drogës. 42-vjeçari u dërgua në burgun e Ravenës në pritje të paraqitjes para gjykatës për seancën e vlefshmërisë.
