Deputeti i Partisë Demokratike, Agron Gjekmarkaj, gjatë një takimi me banorët në Fushë Kuqe dhe në disa zona të tjera të Kurbinit, ka akuzuar qeverinë për dështim në zhvillimin e fshatrave, duke theksuar mungesën e ujit të pijshëm dhe vaditës, dhe për shpërndarjen e fondeve të IPARD.
“Nuk mund të ketë zhvillim të fshatrave si në Fushë Kuqe, ku mungon uji i pijshëm, ku uji vaditës për tokat bujqësore mbetet vetëm mjet propagande dhe fondet e IPARD, shkojnë në xhepat e Krifcës dhe Krifcave të oborrit qeveritar”, thotë ai në një reagim në rrjetet sociale.
Deputeti i PD-së ka kritikuar gjithashtu mungesën e mbështetjes për sipërmarrësit turistikë, që janë lënë pa energji elektrike dhe shërbime elementare.
Postimi i plotë i Gjekmarkajt:
Në Fushë Kuqe, me demokratë e banorë që sfidojnë vështirësi e padrejtësi të pushtetit !
E dhimbshme si në shumë zona të tjera të Kurbinit teksa shikon shtëpi të reja të ndërtuara por të braktisura. Një zonë që vuan e tëra harresën e pushtetit qëndror dhe atij vendor.
Toka të lëna djerr në gjithë këto vite, kanale të pa hapura që përmbysin në raste reshjes ato pak të mbjella, dyqane më pak blerës, shkolla me pak fëmijë, rrugë të boshatisura, vrasje shprese, kjo është e vërteta që na dhemb të gjithëve përveç pushtetit që ka braktisur me kohë realitetin në fshatra dhe qytete.
Nuk mund të ketë zhvillim të fshatrave si në Fushë Kuqe, ku mungon uji i pijshëm, ku uji vaditës për tokat bujqësore mbetet vetëm mjet propagande dhe fondet e IPARD, shkojnë në xhepat e Krifcës dhe Krifcave të oborrit qeveritar. Ndaj, sot vuan Fushë Kuqja, vuan Kurbini, Lezha, Mirdita dhe mbarë Shqipëria. Vuan banori që jeton në fshat, vuan qytetari, vuan bujku,fermeri, vuan pedagogu, mësuesi, sipëmarrësi, mjeku, tregtari dhe mbarë populli i thjeshtë.Rilindja është shkëputur nga realiteti dhe mbulimin e të kundërtës e bën përmes propagandës. Fushë Kuqja mbetet rasti konkret.
Patoku i bukur i natyrës kërkon tjetër vëmendje për të zhvilluar më tej turizmin. Për të qënë konkurues shteti së pari duhet të plotësojë kërkesat më imediate, gjë të cilën nuk e ka bërë. Nuk mund të flasim për suksese në një kohë që sipëmarrjeve turistike nuk iu sigurohet energji eletrike e pandërprere, ujë dhe shërbime pastrime.
Ku janë 100 fshatrat turistik që Rilindja trumbetoi gjithë këto vite?! Zero angazhim, zero realizim !
Ne do ta ndalim këtë qeverisje që nuk i bëri një të mirë Qarkut të Lezhës as Shqipërisë. Populli dhe demokratët kanë detyrën ta ndryshojnë aktualen, ta bëjmë më të mirë dhe të sigurtë Atdheun tonë.
Alternativa jonë e djathtë po përqafohet masivisht për të ndryshuar modelin e qeverisjes. Rezoluta e tretë ndërkombëtare e partive të djathta e konservatore IDU dënon përsekutimet politike të opozitës ndaj dhe kërkon Qeveri Ndërkombëtare! Mbështetja ndërkombëtar për PD po merr vëmendjen e duhur.
Programi jonë emergjent është i qartë dhe i zbatueshëm:
Pensione jo nën 200 euro!
Minimum jetik 200 euro!
Rrogë minimale 500 euro!
Rrogë mesatare 1200 euro!
Mbështetje 160 milon euro për bujqësinë!
Rrogat më të lartat në rajon për mësuesit, pedagogët dhe mjekët!
Rrotacion! Ndryshim!
Luftë korrupsionit dhe kriminalitetit, motoja jonë e përbashkët! Ne mundemi! Ne ja dalim! Fitore✌️
