Ligjvënësit në Korenë e Jugut paraqitën një mocion për shkarkimin e Presidentit Yoon Suk Yeol pas orëve dramatike që përfshinë ekonominë e katërt më të madhe të Azisë.
Të martën, Presidenti shpalli në mënyrë të papritur ligjin ushtarak, që shkaktoi kaos në Parlament. Deputetët refuzuan përpjekjet e Kreut të Shtetit për të ndaluar aktivitetin politik dhe censuruar mediat, teksa forcat e armatosura hynë në Asamblenë Kombëtare të Seulit.
Opozita kërkon dorëheqjen ose daljen para drejtësisë së Yoon dhe tha se projektligji për shkarkimin e tij do të votohet brenda 72 orëve.
“Parlamenti duhet të fokusohet në pezullimin e menjëhershëm të mandatit të Presidentit për të miratuar një projektligj për shkarkimin sa më shpejt”, u tha gazetarëve një nga deputetët në koalicion.
Udhëheqësi i Partisë së Pushtetit Popullor në pushtet të Yoon bëri thirrje që ministri i Mbrojtjes, Kim Yong-hyun, të shkarkohet dhe i gjithë kabineti të japë dorëheqjen.
Presidenti tha në një fjalim televiziv në orët e vona të së martës se gjendja e jashtëzakonshme ishte e nevojshme për të mbrojtur vendin nga forcat antishtetërore pro-koreanoveriore dhe për të mbrojtur rendin kushtetues, edhe pse nuk citoi kërcënime specifike.
Skena kaotike u panë teksa trupat ushtarake u përpoqën të merrnin kontrollin e godinës së Parlamentit, edhe pse u sprapsën kur punonjës të Parlamentit i hodhën ujë, ndërsa protesutesit u përleshën me policinë jashtë ndërtesës.
Ligjvënësit sfiduan kordonin e sigurisë dhe pas disa orësh kaluan një mocion për shfuqizimin e gjendjes së jashtëzakonshme.
