Bllokimi i aksit Librazhd–Qafë Thanë ka krijuar kaos në qarkullim dhe ka izoluar dhjetëra fshatra përreth, duke vështirësuar ndjeshëm lëvizjen e automjeteve dhe të banorëve për shërbimet bazë.
Sipas raportimeve në media, rrëshqitja masive e dheut ka izoluar tërësisht zonën, duke e bërë të pamundur kalimin jo vetëm për mjetet e transportit të rëndë dhe ato private, por edhe për autoambulancat dhe zjarrfikëset.
Situata ka krijuar një kaos të vërtetë për banorët, shumë prej të cilëve janë detyruar të kalojnë zonën e rrezikshme në këmbë.
Sipas informacioneve, banorët e zonës, përfshirë fëmijë nën dy vjeç dhe të moshuar, kanë ecur rreth 2 kilometra në të ftohtë për të kaluar në anën tjetër, ku i presin të afërmit me makina.
Sakaq deri më tani aksi vijon të jetë i paralizuar dhe ende nuk ka një njoftim zyrtar se kur pritet të hapet.
LEXO EDHE:
“Vdekja” e Korridorit Juglindor: Nga premtimi 90-minutësh, te rrugët që “gëlltisin” veten
Skandaloze, por e vërtetë! Rama-Balluku ia dolën të ndajnë Shqipërinë në dy pjesë
