Është mbajtur në Vlorë ceremonia e ngritjes së flamurit, në kuadër të 112-vjetorit të shpalljes së Pavarësisë së Shqipërisë.
I pranishëm ka qenë dhe kryeministri i Kosovës, Albin Kurti, i cili shfaqet krah kryeministrit Edi Rama dhe presidentit të Republikës, Bajram Begajt. Gjithashtu e pranishme është edhe kryetarja e Kuvendit, Elisa Spiropali si dhe kryebashkiaku i Vlorës, Ermal Dredha.
Prej disa vitesh duket se marrëdhëniet mes Albin Kurtit dhe Edi Ramës janë të ftohta, ku në vitet e fundit ka munguar edhe mbledhja e përbashkët e dy Qeverive, e duket se tashmë e vetmja gjë që i bën bashkë dy kryeministrat shqiptar është dita e Pavarësisë.
Më 28 Nëntor të vitit 1912, Ismail Qemali ngriti flamurin në Vlorë duke shpallur Shqipërinë shtet sovran e të pavarur. 28 Nëntori njihet ndryshe edhe si Dita e Flamurit, një ditë e rëndësishme për mbarë shqiptarët në trevat shqiptare dhe anembanë botës.
