Pas tre orësh mosbindje civile dhe përplasje të ashpër mes përfaqësuesve të PD-së dhe protestuesve me policinë, kjo e fundit vijon me shoqërimet në komisariate.
Deri më tani burime për media kanë bërë me dije se rreth 7 protestues janë shoqëruar nga forcat e policisë për në komisariat.
Siç e raportuam edhe më herët, drejtuesi i degës së PD-së në njësinë nr.5, Fatmir Myrta u shoqërua nga policia te “Sheshi Willson”. Bashkë me Myrtën është shoqëruar edhe djali i tij në komisariatin nr.2 në kryeqytet. Gjithashtu janë shoqëruar edhe dy zyrtaret demokrate të degës nr.5 në Tiranë, të cilat janë Linda Alushi dhe Elisabeta Skrapari.
Zyrah Kola, 70 vjeç, kryetar i grup seksionit 9, dega nr.5 e Partisë Demokratike në Tiranë, është shoqërua po ashtu bashkë me të sipërpërmendurit.
Protesta e cila nisi në orën 17.00, zgjati gati 3 orë ndërsa qindra automjete mbetëm të bllokuar në akset kryesore të kryeqytetit si në zonën e shteshit Uillson, rruga Elbasanit, Zogu i Zi si dhe në qendër të Tiranës pranë Bashkisë.
