Analisti Enton Abilekaj ka komentuar deklaratën e dhënë nga kreu i SPAK Altin Dumani, i cili paralajmëroi atë çfarë do të ndodhë nga janari me vetingun që do të kryhet nga komisionerë të ndikuar politikisht, për prokurorët dhe gjyqtarët.
I ftuar në Syri TV, Abilekaj u shpreh se, marrja e vetingut nga SPAK do të sjellë një rishqyrtim të disa prokurorve dhe gjyqtarëve të cilët dosjet i kanë të hapura aktualisht dhe kjo do të sjellë një pushtet alarmant mbi drejtësinë dhe gjykatat.
“Mendoj që ajo që thotë Dumani paralajmëron atë që do të ndodhë. Vetingu do të kalojë tek SPAK.
Cdo veting tjetër që do të fillojë do të kalojë tek SPAK. Mendoj që është paraparalajmëri që kemi një veting i bëri nga disa komisionerë kryesisht politik, më shumë të ndikuar nga politika se nga SPAKU-u nga pretendimi i Dumanit.
Marrja e vetingut te SPAK do të ketë një rishqyrtim të disa prokurorve dhe gjyqtarëve. Sot SPAK ka dosje të disa prokurorve dhe gjyqtarve të cilët janë në detyrë sot.
Kjo e dhënë kaq alarmante e ka kompromentuar reformën në drejtësi. Për të pastruar ose për të krijuar idenë që produkti ka dalë i pastër, kjo deklaratë tregon që ne do të rishikojmë cdo vendim që është marrë deri tani për ta pastruar deri më tej drejtësinë nga këto elementë.
Ajo që është shqetësuese në këtë deklaratë është superpushteti që merr SPAK-u nga janari mbi prokurorët dhe gjyqtarët të cilët janë në fazën pa bër vetingun ose në shqyrtimin e tij. Ky është një pushtet i cili pastaj dominon mbi drejtësinë dhe gjykatat“, tha Abilekaj.
