Një aksident automobilistik është regjistruar mbrëmjen e kësaj të diele në lagjen nr. 17 të qytetit të Durrësit.
Mësohet se drejtuesi i një automjeti ka humbur kontrollin mbi drejtimin e makinës së tij dhe ka përfunduar në një kanal të ujërave të zeza.
Bashkë me shoferin, në automjet ndodheshin dhe dy pasagjerë, ku të tre mbetën të plagosur dhe janë dërguar në spital dhe ndodhen jashtë rrezikut pët jetën.
Mësohet se është dashur ndërhyrja e zjarrfikëses për nxjerrjen e pasagjerëve nga mjeti.
Dyshohet se shkaku i aksidentit ka qenë shpejtësia e lartë me të cilën po lëvizte mjeti në atë aks rrugor. Grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
