Një 29 vjeçar nga fshati Labinot i Elbasanit është arrestuar në flagrancë pasi në shtëpi iu gjet rreth 130 litra naftë, e dyshuar e kontrabanduar.
Policia njofton se nafta u sekuestrua në cilësinë e provës materiale. Ndërkohë, materialet procedurale i kaluan Prokurorisë Elbasan, për veprime të mëtejshme.
“Specialistët e Seksionit për Hetimin e Krimeve Ekonomike dhe Financiare arrestuan në flagrancë shtetasin A. Ç., 29 vjeç, banues në fshatin Labinot, pasi gjatë kontrollit në banesën e tij iu gjetën dhe sekuestruan rreth 130 litra naftë, të dyshuara të kontrabanduara”, njofton policia.
