Franca dhe Spanja kanë kundërshtuar planin e Komisionit Evropian për të rishikuar ligjin që ndalon shitjen e makinave të reja me benzinë dhe naftë deri në vitin 2035, duke i kërkuar Bashkimit Evropian të mos tërhiqet nga angazhimet e tij për klimën.
Në një letër të përbashkët drejtuar udhëheqësve të BE-së, Parisi dhe Madridi theksojnë se automjetet me emetime zero janë “të domosdoshme” për arritjen e objektivave të unionit për neutralitet klimatik deri në vitin 2050.
Sipas tyre, çdo tentativë për të anuluar ose zbutur ndalimin e shitjes së makinave me emetim zero do të minonte përpjekjet e BE-së për mbrojtjen e klimës, duke shkelur edhe ligjin e klimës që e bën këtë objektiv detyrues.
