Referuar te dhënave zyrtare nga Drejtoria e Burgjeve, deri në shtator 2024 në burg ndodhen dy të mitur dhe dy adoleshentë të cilët janë dënuar nga drejtësia dhe kalojnë jetën e tyre pas hekurave, ata janë të moshës 16-18 vjeç.
Për të miturit dhe adoleshentët nga 18 deri në 21 vjeç sistemi shqiptarë i burgjeve ka vetëm një institucion të specializuar dhe ai ndodhet në Kavajë.
Referuar statistikave të burgjeve e cila ka të dhënat e përditësuara deri më 30 shtator 2024, emisioni “FactCheck” zbulon rezulton se të dënuar të moshave 16-18 vjeç në burgun e Kavajës ndodhen dy persona dhe të moshës 18-21 vjeç dy të tjerë.
Po përse janë dënuar ata?
Referuar vendimeve penale dhe tabelës së përditësuar ata janë dënuar për veprën penale të vjedhjes e dy të tjerë për veprën penale të vrasjes.
Numri i të miturve të paraburgosur është më i lartë referuar statistikave zyrtare. Të izoluarit me një masë arresti nisin nga mosha 14 deri në 16 vjeç me një total prej pesë shtetas.
Nga mosha 16-18 vjeç në burgun e Kavajës ndodhen katërmbëdhjetë në pritje të dënimit ndaj të cilëve është caktuar një masë arresti në qeli.
Për moshën e adoleshente 18-21 vjeç në pritje të verdiktit të drejtësisë janë pesë shtetas.
Por në ndryshim nga pak muaj më parë në paraburgim nën moshën 16 vjeç, pra 14 deri në 16 vjeç janë pesë shtetas aktualisht në burgun e Kavajës dhe pritet të vendoset aty edhe i gjashti, Mario Përlleshaj autori i vrasjes së Martin Canit.
Tek të miturit e paraburgosur veprat penale që ata janë përfshirë nisin nga Vjedhja, Vrasja, Plagosja, deri tek Veprat penale në fushën e drogës, vepra këto të rënda dhe me dënime me minimum 3 vite sipas kodit penal.
