Është mbajtur sot në Gjykatën e Fierit seanca paraprakë për çështjen e vrasjes së 19-vjeçarit Grei Bihuci, i cili u vra me thikë më 11 Mars dhe si autor të krimit janë arrestuar dy kushërinjtë Flroian dhe Klajdi Muka.
Prokurori i çështjes Petrit Vukaj ka paraqitur akuzën “vrasje me paramendim e kryer në bashkëpunim”, por avokati i familjarëve të viktimës, Erlis Nakollari ka kërkuar riccilësim të veprës penale.
Në sallën e gjyqit ishin të pranishëm dhe të akuzuarit dhe avokati i tyre Ervis Goxhaj i cili kërkoi lehtësim të dënimit.
Ndërkohë, familjarët e viktimës dhe të akuzuarve kërkuan marrjen në hetim edhe të personave të paidentifikuar ende nga hetimi, persona në konflikt dhe te pranishëm me veprime te dhunshme ndaj të akuzuarve.
Gjyqtari i seancës së sotme Genci Busho, në këtë seancë paraprake kërkoi zgjerim te hetimeve dhe e shtyu seancën për në datën 27 nëntor.
Kujtojmë se konflikti mes adoleshentëve kishte nisur për shkak të moskthimi në kohë i një thike të tipit “Rambo” të blerë online.
Ngjarja e rëndë nisi si një sqarim me konflikt nën urën në bulevardin e qytetit në një sherr mes adoleshentësh, ku viktima Grei Bihuci hyri për t’i ndarë.
Dy të arrestuarit kanë deklaruar në dëshminë e tyre se sherri që çoi ne vrasjen e Grei Bihucit ka nisur në dhjetor mes autorit Florjan Muka dhe Auron Çelës, pasi ky i fundit i kishte marre një thikë dhe nuk ia kishte kthyer në kohë. Kur Floriani i ka marrë thikën Auronit dyshohet se e ka rrahur dhe fyer megjithëse ne deklaratën e tij ai thotë se nuk “bënë debate”. Për këtë arsye ka nisur një armiqësi mes Mukës dhe Auron Çelës ku ky i fundit ka kërkuar të hakmerret. Çela i ka kërkuar Mukës të takoheshin serish në datën 10 mars një ditë para vrasjes dhe bashkë me të ishte edhe Nebi Alimadhi. Ky i fundit sipas Çelës e ka fyer dhe kapur për veshi Florianin. Ditën tjetër të rinjtë janë takuar sërish.
Dy grupe tashmë ku me Florianin ishte edhe kushëriri i tij ndërsa me Auron Çelën ishte Nebiu, Olsi Serjanaj, viktima dhe një person tjetër i paidentifikuar. Sipas deklarimeve ta para në prokurori, Nebiu e qëlloi me grusht dhe me pas nisi një konflikt fizik. Sipas Mukës, grupi i Çelës në të cilin ndodhej edhe viktima e ka sulmuar atë dhe kushëririn e tij. Për këtë arsye Muka ka nxjerrë thikën dhe e ka drejtuar nga të rinjtë duke qëlluar Grei Bihucin pa ditur siç thotë ai, se do ta plagoste për vdekje.
Grei Bihuci ishte nxënës te shkolla “Petro Sota” dhe kamarier në një lokal në qendër të qytetit.
