Gazetari Genc Burimi ka folur për sfidat që do përballet Evropa përballë mandatit të Presidentit të SHBA, Donald Trump.
Sipas Burimit, Evropa do përballet me tre sfida, ku e para është siguria, e dyta ekonomia dhe e treta demokracia.
Burimit theksoi se ‘çfarë do të bëjë Trump me dy pikat e ethshme në Evropë që është Ukraina dhe Kosova dhe çfarë do të bëjë Trump me dy konfliktet e tjera të ethshme në botë, që janë Taivani me Kinën dhe Izraeli me Iranin’.
“Ekonomia është pjesë e tre sfidave që Trump nxjerr përpara Evropës. Sfida e parë është siguria, sfida e dytë është ekonomia dhe sfida e tretë është demokracia.
Sfida e parë është siguria. Çfarë do të bëjë Trump me dy pikat e ethshme në Evropë që është Ukraina dhe Kosova. Këto janë luftëra dhe konflikte europiane. Çfarë do të bëjë Trump me dy konfliktet e tjera të ethshme në botë, që janë Taivani me Kinën dhe Izraeli me Iranin, ku ditët e fundit Izraeli ka thënë që do të aneksojë krejtësisht pjesën në Jordanin ku ndodhet aktualisht autoriteti palestinez. Pra sfida e sigurisë është sfidë madhore.
Kjo sfidë do t’i çojë europianët në dy rrugë, ose do të vazhdojnë të ndjekin Amerikën e Trumpit duke i bërë besim, ose do të ndahen nga Amerika e Trump dhe pastaj Evropa do t’i kthejë sytë nga vetja për tu armatosur dhe për të bërë që NATO të jetë një NATO europiane dhe jo më një NATO me ShBA-të. Kjo është sfida reale dhe askush nuk e di sot se çfarë ka parasysh Trump me Ukrainën”, tha Burimi per Syri tv.
