Policia e Tiranë ka ekzekutuar një operacion për goditjen e një rrjeti prostitucioni në kryeqytet, duke bashkëpunuar me emisioni “Stop” pas denoncimit të publikuar dy ditë më parë.
Si rezultat, në kuadër të operacionit policor të koduar “Red Light 3” janë arrestuar dy tutorë dhe janë vënën nën hetim 5 eskorta kineze.
Më konkretisht, janë arrestuar shtetasit A. W., 45 vjeçe dhe Zh. Y., 30 vjeç, të cilët akuzohen për veprat penale “Trafikimi i personave të rritur”, “Shfrytëzimi i prostitucionit” dhe “Mbajtja e lokaleve për prostitucion”, kryer në bashkëpunim.
Ndërsa janë proceduar penalisht në gjendje të lirë për veprën penale “Prostitucioni” dhe 5 shtetase kineze. Gjithashtu, nën hetim është vënë dhe shtetasi G. L., 62 vjeç, banues në Tiranë për veprën penale “Moskallëzimi i krimit”.
Burime zyrtare bëjnë me dije se dy tutorët i kishin mashtruar kinezet se do t’i punësonin në qendra masazhesh dhe pasi i kishin sjellë në Shqipëri i shfrytëzonin për prostitucion me pagesa që varionin nga 200-300 euro.
“Nga veprimet hetimore të kryera në kuadër të procedimit, ka rezultuar se shtetasit A. W. dhe Zh. Y., në bashkëpunim me njëri-tjetrin, kanë sjellë në Shqipëri, 5 shtetase të huaja, të cilave iu kanë premtuar se do t’i punësonin në qendra masazhesh në Shqipëri. Pasi këto shtetase kanë arritur në vendin tonë, dy të arrestuarit i kanë shfrytëzuar për prostitucion, në ambiente (apartamente) të marra me qira.
Nga veprimet hetimore është dokumentuar ligjërisht fakti se autorët e dyshuar i reklamonin në faqe online, shtetaset që i shfrytëzonin për prostitucion, gjenin klientët, i prisnin ata në hyrjen e pallatit ku ushtrohej prostitucioni dhe pas kryerjes së pagesave që varionin nga 200-300 euro, i dërgonin klientët në apartament.” – thuhet në njoftimin e bluve të kryeqytetit.
Materialet proceduriale i kaluan Prokurorisë për veprime të mëtejshme.
“Pa lek nuk ka q**je”/ Tirana gëlon nga prostitutat e huaja, 140 euro ora (Kujdes +18)
