Pasi u mor në pyetje për 4 orë, ish-ministri i Ministrit të Transportit dhe Infrastrukturës, Edmond Haxhinasto ka dalë nga ambientet e SPAK.
Haxhinasto mbërriti në ambientet e Prokurorisë së Posaçme paraditen e sotme, ndërsa në duar mbante një dosje.
I pyetur nga gazetarët në lidhje me deklarimet e tij në SPAK, Haxhinasto u shpreh se ishte paraqitur si dëshmitar për disa çështje të caktuara, duke mos dhënë detaje të tjera.
“Kam ardhur si dëshmitar për disa çështje të caktuara. Deponimet e mija i dhashë aty ku duhej t’i jepja”, tha ish-Ministri Edmond Haxhinasto.
