Pasi Agim Bibaj denoncoi gjatë ditës së sotme në policinë e Shkodrës se djali i tij Aurel Bibaj kishte humbur prej dy ditësh, 15-vjeçari është gjetur në Tiranë.
U bë me dije se adoleshenti u gjet në zonën e Babrrusë në gjendje të mirë shëndetësore.
Prej dy ditësh i mituri kishte humbur kontaktet me familjen e tij në Postribë.
Mëngjesin e djeshëm pasi shoqëroi vëllain në shkollë, 15-vjeçari ishte larguar në drejtim të paditur.
Mungesa në shkollë, por edhe moskthimi në shtëpi, ka shqetësuar prindërit ndërsa babai i tij, Agim Bibaj denoncoi rastin në polici.
Ditën e sotme, u raportua në media se djali ishte larguar nga banesa pasi babai i kishte bërtitur që të sillej mirë. Kjo të paktën dëshmive të shokëve të 15-vjeçarit.
15 vjeçari u gjet nga forcat e policisë dhe i është dorëzuar familjes.
Ai pritet të merret në pyetje në praninë e psikologëve për arsyet e largimit të tij nga banesa dhe po ashtu do të trajtohet me psikologë në mënyrë që të kuptojë veprimin e gabuar nga ana e tij.
Lexo edhe:
U nis për në shkollë dhe humbi gjurmët/ Zhduket një 15-vjeçar në Shkodër
