Një zjarr masiv ka përfshirë mëngjesin e sotëm një territor në zonën e Leskovikut, në kufi me Greqinë, i cili është konstatuar në vendin e quajtur Piramida 17.
Burime për mediat bëjnë me dije se zjarri ka nisur fillimisht në territorin grek dhe më pas është përhapur në pjesën shqiptare duke përfshirë rreth 200 metra në kufi.
Drejt vendit të ngjarjes kanë shkuar forcat zjarrfikëse të Kolonjës, forca policore dhe ato kufitare si dhe ato të palës greke të cilat do të ndërhyjnë për fikjen e zjarrit.
