Gazetari panamez Campo Elías Estrada, i gazetës Tiro al Gol, pranon se ka bërë dy gabime gjatë votimit për Topin e Artë 2024.
Duke folur për Marca, ai shpjegoi se donte të votonte për Vinicius të Real Madridit, me Rodri të pestin në vend të Dani Olmos.
“Para së gjithash ishte gabimi im”, tha ai. “Në vend të Rodrit doli emri i Olmos. Fatkeqësisht pata probleme gjatë votimit në platformën e votimit.
“Kur po përzgjidhja 10 kandidatët e mi dhe ishte koha për të përditësuar, vota u ndryshua, me numra të gabuar, pa rend, në mesin e dhjetë kandidatëve dhe më është dashur të regjistrohem në platformë më shumë se tre herë për të votuar.
“Gabimin e kuptova vetëm pak ditë më vonë, kur lexova me detaje emailin, sepse kandidatët e mi i kisha shkruar në një fletë”.
Një situatë që tregon të meta në votim dhe siç e pranon dhe mbrohet vetë: “Nuk më ka ndodhur kurrë, vota ime ka qenë e paanshme, nuk vesh fanellën e asnjë klubi”.
“Nuk e kam konsideruar asnjëherë Rodrin ndër tre më të mirët, e kam vënë të pestin sepse për një gabim të pavullnetshëm nuk i ka dalë emri”, pranon në fund ai.
Përveç Campo Elías Estrada, vlen të kujtohet se të shtunën në mëngjes një tjetër gazetar që përbënte jurinë prej 100 gazetarësh votues, finlandezi Juha Kanerva e Ilta-Sanoma, pranoi se diçka identike i kishte ndodhur: “Ishte një gabim teknik i imi”, tha ai.
Prandaj, Vinicius Junior nuk ishte i pranishëm në votën e tij, siç do të kishte dashur, por Rodri në vend të parë. Arsyeja për të cilën ai njoftoi njëkohësisht dorëheqjen: “Kam ndërmend të jap dorëheqjen nga juria e Topit të Artë”.
