Pano Soko nga ‘Nisma Thurje’ ka hedhur poshtë zërat se forca politike ku ai bën pjesë ka dërguar një ftesë për ‘Demokratët Euroatlantikë’ të ish-kryedemokratit Lulzim Basha, për të kandiduar sëbashku në zgjedhje.
Në A2 CNN, Soko tha se Basha është jashtë ‘vijave të kuqe’ që Nisma Thurje ka vendosur si standart për ata që duan të bëhen pjesë e koalicionit. Ai shtoi se Nisma Thurje do të bashkëpunojë vetëm me ata eksponentë që nuk kanë të bëjnë me politikën 34-vjeçare në Shqipëri dhe sipas tij, Basha nuk bën pjesë aty.
Pyetje: Duke qenë se fitoi Trump në SHBA, pati vërtetë një ftesë për ‘Demokratët Euroatlantikë’ nga Nisma Thurje?
Soko: Nuk e di se nga doli. Thanë kishte folur Basha dje në një emision. Ne kemi vendosur disa vija të kuqe dhe Basha është jashtë vijave të kuqe. Ne koalicionin e bëjmë vetëm me ata që nuk kanë pasur të bëjnë me këtë politikë 34-vjeçare. Basha është andej.
