Gjykata e Apelit ka prishutr vendimin e Gjykatës së Shkallës së Parë në Elbasan dhe i ka ulur dënimin Horgito Peqinit.
Ky i fundit, akuzohet si autor i vrasjes me armë zjarri të 33 Madrid Ulqinaku, ngjarje e ndodhur në bulevardin kryesor të Elbasanit, “Aqif Pasha”, mbrëmjen e 17 Gushtit të vitit 2022, teksa autori në atë kohë ende nuk i kishte mbushur 18 vjeç.
Horgito Peqinit ishte dënuar nga Shkala e Parë me 12 vite burgim, duke u shpallur fajtor për kryerjen e veprave penale “Vrasja me dashje” dhe “Mbajtja pa leje dhe prodhimi i armëve, armëve shpërthyese dhe municionit”. Për shkak të gjykimit të shkurtuar atij i ishte ulur dënimi në 8 vite burgim.
Ndërkohë, Apeli ia ka ulur dënimin edhe me 2 vite të tjera, duke e dënuar me 10 vite burgim në total, ku për shkak të gjykimit të shkurtuar dënimi i ulet në 6.8 vite burgim.
Vendimi në Apeli është marrë nga trupi gjykues me relatore gjyqtaren Edlira Petri dhe anëtarë Fatri Islamaj dhe Marsela Pepi.
Për ngjarjen në fjalë është i dënuar edhe shoku i Horgito Peqinit, Klaudjan Sallufi me 2 vite burgim për veprën penale “Moskallëzim krimi”.
Krimi u regjistrua pas një konflikti verbal mes Madrit Ulqinakut dhe tre shokëve Horgito Peqini, Ejden Dino dhe Klaudjan Sallufi. Pas konfliktit, Horgito Peqini qëlloi me pistoletë mbi Ulqinakun duke e lënë të vdekur. Horgito Peqini kishte konsumuar lëndë narkotike para se të kryente krimin.
Kujtojmë se Horgito Peqini është nipi i Eduard Peqinit, i cili është dënuar me burgim të përjetshëm dhe në Elbasan njihet ndryshe me nofkën “Mandela”.
Eduard Peqini së bashku me vëllain e tij, në Elbasan drejtonte një nga bandat më të rrezikshme në periudhën e viteve 1997 deri në 1999, duke pasur përplasje të vazhdueshme me grupin e Dritan Kateshit.
