Sipas projeksioneve të para, kandidati republikan Donald Trump po kryeson me 95 vota elektorale, përkundrejt rivales së tij demokrate Kamala Harris me 35 vota elektorale.
Sipas mediave amerikane, Trump ka fituar në shtetit e Floridas, duke shkruar 30 vota elektorale për të. Edhe në vitin 2020 ky shtet ishte fituar nga kandidati republikan.
Gjithashtu, Trump pritet të jetë fitues edhe në Misisipi, shtet me 6 vota elektorale, Oklahoma shtet me 7 vota elektorale, në shtetin e Tenesit me 11 vota elektorale, Alabama me 9 vota elektorale, si dhe në Karolinën e Jugut shtet me 9 vota elektorale.
Po ashtu, projeksionet nxjerrin fitues Trump-in edhe në Virxhinian Perëndimore, shtet me 4 vota elektorale, si dhe në Indiana, shtet me 11 vota elektorale, si dhe në Kentaki 8 vota elektorale.
Ndërkohë, rivalja e tij Kamala Harris ka fituar në Masaçusets, shtet me 11 vota elektorale, i cili nuk përbën surprizë, pasi edhe në vitin 2020 është fituar nga Joe Biden.
Gjithashtu, projeksionet e nxjerrin fituese atë edhe në Merilend, shtet me 10 vota elektorale, Kënektikat shtet me 7 vota elektorale, në Rhode Island shtet me 4 vota elektorale, si dhe në Vermont, shtet me 3 vota elektorale.
Nga projeksioni i këtyre shteteve, rezultati i përgjithshëm është 95 me 35 për Trump. Për t’u shpallur president i SHBA-ve duhen 270 vota elektorale.
