Anëtari i dhomës Amerikane të Tregtisë në Tiranë, Mark Crawford, ka dhënë dy arsyet kryesore, që sipas tij që çuan drejt fitores Donald Trump në SHBA.
I ftuar në “Open”, në News24, Crawford tha se për të si një emigrantë, është e rëndësishme heqja e taksimit të dyfishtë, politikë që Trump ka premtuar se do të ndërmarr pasi të bëhet president.
“Jam i kënaqur nga rezultati. Ka shumë çështje që janë të rëndësishme gjatë fushatës, sidomos për ne që jemi jashtë, janë fillimisht taksat, që janë dyfishuar për ne. Trump tha që do e heq. Kanë qenë që nga lufta civile dhe është forcuar, nuk besoja që Harris do ndryshonte. Taksa ishte dyfishuar nën Biden”, tha Crawford.
Ndër të tjera, ai tha se Trump ka pretuar se do të ndalojë luftërat në botë, gje të cilën sipas tij, Harris nuk kishte fuqinë ta bënte.
“E dyta është lufta, situata nga Rusia dhe Ukraina vazhdon, po thellohet edhe konflikti në lindjen e Mesme. Harris ndoshta nuk e donte luftën, por nuk kishte fuqinë të ndryshonte trendin ku jemi.Trump ka një sfidë të madhe për atë që ka thënë që do ndalojë luftën. Këto janë gjëra që na ndikojnë ne që jetojmë jashtë, dhe këto janë pse ai fitojë fort”, përfundoi ai.
