Një ngjarje e rëndë është regjistruar mëngjesin e sotëm në Turqi, pasi është vrarë me armë zjarri kryetari i bashkisë së Balışeyh në provincën Kirikale, Hilmi Şen.
Mediat vendase raportojnë se edhe Mikayil Çelikkol, shoferi i kryebashkiakut mbeti i vdekur, teksa u plagosën edhe tre persona të tjerë gjatë sulmit të armatosur.
Kryebashkiaku dhe shoferi i tij u dërguan me urgjencë në spital, bashkë me të plagosurit e tjerë, por ata nuk mundën dot t’i mbijetonin plagëve të marra.
Autori i dyshuar i sulmit me armë zjarri dyshohet se ka qenë nipi i kryebashkiakut, shtetasi Erdem Şen, i cili u arrestua pas ngjarjes.
Në deklaratën e tij të parë për grupin hetimor, Erdem Şen pranoi autorësinë e krimit dhe deklaroi se kryebashkiaku Hilmi Şen i kishte premtuar punësim në Bashki dhe kur nuk e ka përmbushur premtimin ka kryer sulmin ndaj tij.
Hilmi Sen u zgjodh kryetar bashkie nga Partia Islamike e Prosperitetit të Ri në zgjedhjet e 31 marsit 2024 dhe dha dorëheqjen nga partia e tij korrikun e kaluar.
#sondakika | Kırıkkale’nin Balışeyh Belediye Başkanı Hilmi Şen’e yönelik silahlı saldırıyı düzenleyen şüphelinin akrabası Erdem Şen olduğu öğrenildi. pic.twitter.com/BCCYJcvmvU
— Muhammet Halıcıoğlu (@Muhammethlc) November 4, 2024
