Prokuroria e Fierit ka përfunduar hetimet paraprake dhe ka dërguar për gjykim dosjen në ngarkim të 50-vjeçarit Altin Lamçe.
Ky i fundit më 5 Maj të këtij viti plagosi me thikë 40-vjeçarin Klavio Lika, pas një konflikti mes tyre tek terminali i autobusave në Fier, shkaktuar këtij të fundit dëmtime të rrezikshme për jetën. Konfolikti mes tyre ka qenë për motive të dobëta.
Organi i akuzës e ka marrë të pandehur Altin Lamçen për veprën penale “Vrasja me dashje” mbetur në tentativë.
“Nga hetimi i zhvilluar në bashkëpunim me policinë gjyqësore, u provuar se shtetasi Altin Lamçe, më datë 05.05.2024, rreth orës 11.30, për motive të dobta, ka goditur me mjet mprehtës shtetasin Klavio Lika duke i shkaktuar këtij të fundit dëmtime të rrezikshme për jetën.
Nga hetimi rezultoi se i pandehuri Altin Lamçe ka konsumuar elementët e veprës penale “Vrasja me dashje” mbetur në tentativë, parashikuar nga neni 76 dhe 22 i Kodit Penal, kryer në dëm të viktimës Klavio Lika
Në përfundim të hetimit për këtë procedim penal, Prokuroria ka marrë të pandehur shtetasin Altin Lamçe dhe ka dërguar për gjykim procedim në ngarkim të tij.” – thuhet në njoftimin e Prokurorisë së Fierit.
