Kreu i PD-së, Sali Berisha gjatë fjalimit të mbajtur në tubimin e sotëm deklaroi se Erion Veliaj me shkarkimin e 12 drejtorëve të Bashkisë së Tiranës, po përpiqet të lajë fytyrën e tij të nxirë, duke larguar nga vetja hajdutët me të cilët ka vjedhur.
Berisha e paralajmëroi Veliajn se do të varet në shtyllën e turpit të historisë, pasi nuk do arrijnë dot ta shpëtojnë as Altin Dumani, Arben Kraja apo Edi Rama nga vjedhjet dhe nga ndëshkimi.
Berisha: Përshëndetje të përzemërt të gjithë atyre që sot e ndrynë në vrimën e miut Lali Vjedhësin, këtë tip të shpërfytyruar të qenieve njerëzore, i cili pasi ka vjedhur dhjetëra e qindra milionë, përpiqet të lajë fytyrën e tij të nxirë duke larguar nga vetja hajdutët me të cilët vodhi. Erion Veliaj, betimi ynë është solemn, do varesh në shtyllën e turpit të historisë. Nuk të shpëton dot asnjë nga drejtorët që sakrifikon ti. Nuk të shpëton dot as mercenari Altin Dumani apo ish-xhelati i Sigurimit, Arben Kraja. Nuk të shpëton dot nga vjedhjet, nga ndëshkimi as kryehajduti i kombit, Edi Rama sepse vetë ai vrimë miu nuk do gjejë për të futur kokën e tij për krimet monstruoze që ka kryer ndaj shqiptarëve. Nxirr sa të duash fotografi me Aleksis Soros, se të jap fjalën e nderit se ti do të shkosh aty ku e ke vendin, kurse ai do të shpallet non-grata, non-grata, non-grata. Në Shqipërinë e shtetit ligjor, e rendit kushtetues, Erion Veliaj, Edi Rama, anëtarët e organizatave tuaja kriminale do marrin ndëshkimet më shembullore. Pasuritë tuaja do gjurmohen në të katër anët e botës, do u rikthehen shqiptarëve. Do u merren hajdutëve!
