Sekretari i Përgjithshëm i OKB-së, Antonio Guterres, ka vlerësuar se situata në veri të Republikës së Kosovës është e tensionuar, me mundësi përshkallëzimi.
Kreu i OKB-së, në raportin e tij të rregullt në Këshillin e Sigurimit, deklaroi se veprimet e njëanshme, si mbyllja e institucioneve të financuara nga Beogradi, kufizimi i qarkullimit të mallrave dhe shpallja e hapjes së urës mbi Ibër, rrisin tensionet dhe zvogëlojnë besimin ndërmjet komuniteteve. Këshilli i Sigurimit do ta diskutojë këtë raport më 30 tetor, raporton RTS.
“Atmosfera në veri të Kosovës është ende e tensionuar, me mundësi përshkallëzimi ende të pranishme”. U bëj thirrje të gjitha palëve që të ritheksojnë përkushtimin e tyre për dialogun me ndërmjetësimin e Bashkimit Evropian dhe të zbatojnë plotësisht marrëveshjet ekzistuese”, ka thënë Sekretari i Përgjithshëm i OKB-së, Antonio Guterres në raportin e rregullt gjashtëmujor për situatën në Kosovë
Guterres paralajmëroi gjithashtu se lëvizjet e njëanshme si mbyllja e institucioneve të financuara nga Beogradi, hapat drejt hapjes së urës në Mitrovicë, kufizimet ndaj mallrave nga Serbia dhe zbatimi i një politike të re monetare “ngrenë tensionet dhe ulin besimin midis komuniteteve dhe dobësojnë komuniteteve dhe institucioneve”.
Njeriu i parë i organizatës botërore vlerësoi se lëvizje të tilla jo vetëm që pengojnë jetën normale dhe të drejtat sociale dhe ekonomike të të prekurve prej tyre, por kërcënojnë seriozisht progresin dhe stabilitetin e përgjithshëm.
“Është e një rëndësie thelbësore që lëvizjet e liderëve politikë të jenë në përputhje me nevojat dhe të drejtat e të gjitha komuniteteve”, tha Guterres dhe u bëri thirrje autoriteteve në Prishtinë që t’i përgjigjen urgjentisht dhe plotësisht shqetësimeve të komunitetit serb në lidhje me veprimet e mundshme lidhur me tek institucionet shëndetësore dhe arsimore.
“Ruajtja e të drejtave ekonomike dhe sociale të komuniteteve pakicë, duke përfshirë më të cenuarit, është e një rëndësie vendimtare”, thuhet në raportin e Sekretarit të Përgjithshëm të Kombeve të Bashkuara.
Guterres paralajmëroi gjithashtu se “një incident serioz i sigurisë në Banjska më 23 shtator të vitit të kaluar është një tregues i nevojës që të gjitha palët të bashkëpunojnë në kërkimin e drejtësisë dhe se sqarimi i incidenteve të tilla është me rëndësi kyçe për rivendosjen e besimit dhe sigurimin e stabilitet afatgjatë”.
Ai theksoi gjithashtu se është thelbësore që forcat e rendit, mbi të gjitha gjatë kapjeve, arrestimeve dhe çështjeve pronësore, të veprojnë plotësisht në përputhje me kornizat ligjore dhe në përputhje me standardet ndërkombëtare të të drejtave të njeriut.
Në raportin, i cili do të diskutohet në Këshillin e Sigurimit më 30 tetor, thuhet gjithashtu se për gjashtë muaj në Kosovë dhe Metohi janë kthyer 13 persona të mërguar më parë, shtatë prej të cilëve janë serbë.
Në total, që nga viti 2000, në Kosovë janë kthyer 29,418 nga rreth 200,000 persona të dëbuar.
Në të njëjtin raport, Misioni i Bashkimit Evropian në Kosovë deklaroi se Gjykata e Apelit në Tiranë ka liruar Dritan Goxhajn, i arrestuar më parë në kryeqytetin shqiptar dhe të cilit i është miratuar ekstradimi në Gjykatën Speciale për Krime Lufte të UÇK-së.
