Për shkak se dyshohet se janë përfshirë në afera kurruptive, kryebashkiaku socialist Erion Veliaj ditën e sotme ka shkarkuar 12 drejtorët e bashkisë së Tiranës e cila është ‘kryefjale’ e skandaleve.
Raportohet se disa nga drejtuesit e drejtorive kryesore të Bashkisë, janë zëvendësuar sot me emra të rinj që po mbahen ‘sekret’ nga Lali i cili sot për herë të parë u kujdes që të bëjë njoftim për këto ndryshime.
Vendimi është marrë nga kryetari i Bashkisë së Tiranës, Erion Veliaj, i cili ka ndryshuar drejtorët e Ujësjellës-Kanalizimeve të Tiranës, Policisë Bashkiake, të Agjencisë për Mbrojtjen e Konsumatorit, të Tirana Parking, të Kopshtit Zoologjik, Qytetit Studenti, si dhe disa prej qendrave sociale dhe muzeumet.
Drejtorët e bashkisë së Tiranës janë përfolur shpesh për abuzime me paratë publike. Këto shkarkime raportohet se vijnë nga frika e ndonjë arrestimi të mundshëm nga ana e Prokurorisë së Posaçme. SPAK shpesh herë pas here bashkëpunon me qeverinë apo pushtetin lokal socialist duke pritur shkarkimin më pas “kërcasin” prangat e arrestimeve.
Afera më skandaloze ka qenë ajo që njihet “Skema 5D” që kishte në qendër një kompani të ngritur nga disa drejtorë të këtij institucioni që merrnin për vetë tenderat e bashkisë. Në burg janë për këtë aferë ish-drejtorët Mariglen Qato, Redi Molla dhe Taulant Tushe ndërsa 6 zyrtarë të tjerë janë lënë në arrest shtëpie.
Pavarësisht inceneratorit inekzistent dhe aferës “5D” të cilat kanë gllabëruar miliona euro të taksapaguesve shqiptarë, SPAK mjaftohet vetëm me arrestime të nivelit të ulët në bashkinë e Tiranës kurse kryebashkiaku Erion Veliaj mbetet i paprekshëm.
Emërimet e reja:
UKT – Elda Muçi
Policia Bashkiake – Toni Beni
DPN2 – Piro Sinjari
Tirana Parking – Flavio Barçi
Kopshti Zoologjik – Ervis Rrahmani
Shtëpia Studio “Kadare-Agolli” – Anisa Ymeri
RSU1 “Qyteti Studenti” – Renato Pashollari
AMK – Blerta Dardha
Qendra Komunitare Shkozë – Aldo Aga
Qendra Sociale “Strehëza” – Gentjana Lasku
