Nga Dritan Laci
Ditën e djeshme emisioni ‘Stop’ në Tv Klan që në këtë rast duhet falenderuar për misionin e tij investigues, transmetoi një episod jo thjesht të shëmtuar se si një mjek radiolog, Pëllumb Hysko, i lypte seks një paciente në ambientin e punës, por edhe në një farë mënyre nxorri në pah perversitetin ku ka rënë bluza e mjekut në Shqipëri.
Dikush me të drejtë mund të thotë që nuk janë të gjithë mjekët kështu. Po kjo është e vërtetë. Jo të gjithë mjekët janë kështu. Ka edhe nga ata që janë të nderuar në punën e tyre. Por I njëjti emision në harkun kohor të dy muajve ka transmetuar dy raste të ngjashme. Një në Pogradec ku një infermier i ri ngacmonte seksualisht një paciente dhe ditën e c djeshme po një personel shëndetësor, në këtë rast mjek, më i moshuar në vite, gati sa nuk e përdhunoi në dhomën e radiologjisë, gjithmonë duke iu referuar gjuhës perverse që përdori, një paciente. Dhe për të mos mbetur te këto dy raste, pasi dikush do na tërheqë veshin për përgjithësim të situatës, më mjafton të kujtoj një rast po kaq të ngjashëm, të disa muajve më parë po në Spitalin ‘Shefqet Ndroqi’ në Tiranë, Që nuk e di pse, por po I përseriten ca si shpesh këto raste. Nëse e keni harruar dhe me siguri kujtesën e keni të shkurtër, atë të një mjeku kardiolog, i cili duke shfrytëzuar një paciente të moshuar, shfrytëzoi rastin të hynte në komunikim të papërshtatshëm, kundër dëshirës së prindërve, me mbesën e saj 14 vjeçare dhe ta indoktrinonte duke e kthyer atë në gruan e tij të radhës.
Por Shefqet Ndroqi është I njohur po kështu edhe për Tiren e tij. Sepse ndoshta e keni harruar Tiren që në kohën e pandemisë, merrte 50 mijë lekë për një rruar pacientëve që ishin në prag vdekje.
Pse i thashë dhe i përmenda këto, sidomos për Spitalin ‘Shefqet Ndroqi’.
Sepse unë bindjen që në këtë spital, por edhe të tjerë, tashmë është instaluar një model që është vështirë për tu shkallmuar. Ai i korrupsionit material dhe shpirtëror. Ku i pari, ai material duket se ka korruptuar thellë edhe shpirtin e mjekëve. ‘Stop’ dje me të drejtë, për shkak se në fokus ishte përversiteti I mjekut Hysko, nuk u ndal shumë te aspekti tjetër, ai i shërbimit kundrejt parave.
‘Turi merri 20 mijë lekë kësaj gocës’.
Këtë edhe pot ë mos na e thoshtë Stopi dje e dimë edhe vetë, që në spitalet tona po nuk nxorre paratë nga xhepi, nuk merr shërbim të shpejtë, cilësor dhe pa radhë. Por ajo që më tronditi dje, përveç gjuhës gjithë sekrecione të këtij mjeku, ishte edhe fakti që ky mjek korrupsionin po të shikoni pamjet, e bënte në sy të studenteve të mjekësisë që po e ndiqnin ndërkohë në dhomën e radiologjisë.
Pra kishim të bënim me një demonstrim të hapur të korrupsionit si model që duhet përqafuar në spitalet tona.
Dhe sot e vetmja masë me të cilën ky mjek u përball ishte një pezullim.
Asnjë deklaratë nga Ministria e Shëndetësisë. Asnjë deklaratë nga Urdhëri i Mjekut.
Asnjë deklaratë nga kryeministri i vendit, që nuk I shpëtojnë të tilla gjëra.
Ndoshta a se mos Pëllumb Hyskon, po këta e kishin shpallur si mjekun hero të luftës kundër Covid.
Po të paktën ai që duhet të ishte më i shqetësuari nga pamjet që u transmetuan mbrëmjen e djeshme në ‘STOP’, duhet të ishe ti z.Kryeministër, sepse të gjithë panë me zë dhe figurë që jo vetëm shëndetësia Turi nuk është falas, por edhe këtu edhe të marrin lekët në spital dhe të q….ë z.Kryeministër.
