Forcat Operacionale të Policisë së Shtetit kanë arrestuar një shtetas shqiptar, i cili ishte i shpallur në kërkim ndërkombëtar nga Italia si pjesëtar i një organizate kriminale për trafikim të narkotikëve dhe për vjedhje me dhunë.
Në kuadër të operacionit të koduar “Operacionalja 20”, është vënë në pranga shtetasi Armand Mera, 41 vjeç, banues në fshatin Gjormë, i cili është kapur në fshatin e tij me qëllim ekstradimin drejt Italisë.
“Ky shtetas ishte shpallur në kërkim ndërkombëtar, pasi Gjykata e Apelit e Firences i ka caktuar masën e sigurisë “Arrest në burg”, për veprat penale “Organizata kriminale”, “Trafikimi i narkotikëve” dhe “Vjedhja me dhunë”, të parashikuara nga Kodi Penal i Italisë.” – thuhet në njoftimin e Policisë.
Vijon bashkëpunimi ndërmjet Interpol Tiranës dhe Interpol Romës, për ta ekstraduar 41-vjeçarin në Itali.
