Kryeministri Edi Rama, në një deklaratë për mediat nga Luksemburgu, ka zbuluar se i është ofruar edhe nga vendet e tjera një marrëveshje si ajo me Italinë për emigrantët, por përgjigja e tij ka qenë “Jo”.
Pyetje: Ju keni një marrëveshje me Italinë për emigrantët ka frymëzuar vende të tjera të BE-së. A është afruar ndonjë vend tjetër tek ju për një gjë të tillë dhe çfarë do t’i thoni. Atyre skeptikëve që thoni se po bëni punën e pistët të BE.
Rama: Po na është kërkuar nga vende të tjera dhe i kemi thënë jo. Gjithkush duhet të kuptojë se marrëdhënia jonë me Italinë është shumë e veçantë, shkon pas mijëra vjet dhe shkon pas në kohë në shumë volume ndërveprimin gjatë 30 viteve të fundit që kur dolëm nga regjimi komunist kur u larguan qindra mijëra nga brigjet tona dhe Italia hapi krahë për ne apo kur erdhi të nda ndihmonte pas rënies së firmave piramidal dhe pas tërmetit që është fillesa e rindërtimit të kësaj marrëdhënieje kur italianët ishin të parët që na erdhën në ndihmë. Ne nuk jemi vend i BE, ne jemi vend evropian dhe kjo nuk është certifikatë e marrë në Bruksel, gjeografia jonë flet shumë për atë që kemi bërë me Italinë.
Kujtojmë se marrëveshja Rama-Meloni parashikon sjelljen në Shqipëri të 3 mijë refugjatëve në muaj, 36 mijë refugjatëve në vit, teksa është nënshkruar për 5 vite, me mundësi zgjatjen më tej me miratimin e të dy palëve.
Vlen të theksohet fakti se marrëveshja u nënshkrua në “terr” të plotë, ku madje fillimisht as deputetët socialistë nuk ia kishin idenë se për çfarë bëhej fjalë, ndërsa shqiptarët si gjithmonë nuk i pyeti askush rreth shqetësimeve se kjo nismë do nxiste trafikimin e qenieve njerëzore, apo do të krijonte probleme serioze me sigurinë pasi mes refugjatëve mund të ketë edhe individë me qëllime terroriste.
Qëllimi i marrëveshjes Rama-Meloni është ndalja e flukseve të emigracionit në Itali, por ka ngritur shqetësim për shkeljen e të drejtave të njeriut.
