Kryeministri Edi Rama është rikthyer në detyrë rreth një javë pas ndërhyrjes kirurgjikale dhe ka vazhduar axhendën e tij duke zhvilluar një takim me kryetarët e bashkive.
Gjatë takimit, kryetari demokrat i bashkisë Fushë-Arrëz, Hil Curri ka befasuar të gjithë pasi e falënderoi publikisht Ramën për rritjen e pagave të punonjësve të bashkive.
“Dëgjova me vëmendje të gjitha shqetësimet. Në takimin e parë që kemi bërë në Shkodër, unë dua të falenderoj, po një falenderim bio sepse VKM-ja që është bërë për të ndihmuar zonat rurale me shumë vështirësi ka thjeshtuar procedurën. Për një muaj kam arritur të kem deri në 20 kërkesa, kryesisht nga diaspora. Ky është një falenderim shumë i përzemërt, po edhe për pagat, të cilat u rritën. Në fillim isha skeptik sepse ndoshta nuk kishte buxhet, por edhe kjo ka qenë një arritje falë këtij takimi”, tha kreu i Bashkisë Fushë-Arrëz.
