Kanë përfunduar shtatë ndeshjet e mbrëmjes, të vlefshme për xhiron e dytë të fazës së parë të Champions League.
Bayern Munich ka dalë “kokëulur” nga transferta angleze me skuadrën e Aston Villa, që mundi me rezultati, 1-0, gjermanët me golin e talentit kolumbian, Jhon Duran, me 20-vjeçarin, që dërgoi topin në rrjetë në minutën e 79’.
Humbje të madhe pësuan edhe Real Madrid, me djemtë e teknikut Carlo Ancelotti, që zhgënjyen totalisht në transfertën e Lille, me francezët që iu falën penalltisë së shënuar nga Jonathan David në fundin e pjesës së parë, për të siguruar fitoren.
Të turpëruar totalisht mund të quhet Atletio Madrid,, që pësuan katër gola në “Estadio da Luz”, kundër Benficas, ku për portugezët shënuan Akturkoglu, Di Maria, Bah e Kokcu, në minutat 13’, 52’, 75’ e 84’.
Spektakël dhuroi edhe Juventus, që triumfoi në transfertën gjermave të Leipzig, edhe pse qëndroi për rreth 40 minuta me 10 lojtarë në fushë, pas daljes me kartonin e kuq të Di Gregorio.
Në fitoren spektakolare, 3-2, të bardhezinjve shkëlqyen “yjet” ballkanas, me sllovenin Benjamin Sesko, i cili shënoi një dopietë për skuadrën e tij në minutat 30’ e 65’, ndërsa, Dusan Vlahovic barazoi dy herë shifrat në minutat 50’ e 68’, për t’i lënë vendin “qershisë mbi tortë”, golit të Francisco Conceicao, gol që i dhuroi fitoren e radhës djemve të Thiago Motta.
Në sfidat e tjera, Liverpool fitoi 2-0 në “Anfield” ndaj Bologna, Club Brugge triumfoi transfertën austrike të Strum Graz, ndërsa Dinamo Zagreb e Monaco u ndanë në barazimin 2-2.
