Vendimi i qeverisë për indeksimin e pensioneve që pritet të hyjë në fuqi muajin e ardhshëm cilësohet si një rritje e papërfillshme nga vetë pensionistët.
Në një kohë kur çmimet kanë pësuar rritje në të gjitha artikujt, shtresa më në vështirësi mbeten pensionistët, të cilët kanë dhe nivelin më të ulët të të ardhurave.
Të moshuarit e cilësojnë rritjen e fundit qesharake.
“Sa ka qenë vlera që të është rrit pensioni? E zeza jonë, po çfarë është rritur pensioni u fol me 8.6% e shkoj 4 . Po çfarë pensionesh janë këta. Ça me është rrite mua, 4-5 mijë lekë. Çdo ushqim është rritur ekonomia është përtokë. Çfarë rritje është kjo?!”-tha i moshuari për mikrofonin e “Euronews Albania”.
“Ca rritje pensioni 1 mijë lek a? E din vete ai se sa më duhet, sa u duhet deputetëve e mësuesve ashtu më duhet edhe mua edhe unë ha si deputeti e si mësuesi”,-tha një pensioniste.
“E shkëlqyeshme , ku ka ma mirë se kjo . Kjo është tallje prej shtetit”,-tha pensionisti tjetër.
Rritja e pensioneve në raport me çmimet e produkteve të shportës është e papërfillshme theksojnë ata.
“Imagjinojë një tufë majdanoz 50 lekë, a turpi ma i madh dy fije majdanoz. Bishtaja 4 mijë lekë, ku është në gjendje pensionisti me ti përballojë?
Pensionistët shpresojnë që minimalisht pensioni i tyre të arrijë në 30 mijë lek te reja në muaj, ndërsa shpresat me shumë i kanë tek fëmijët për përballimin e ilaçeve dhe jetesën e përditshme.
