Jamarbër Malltezi, dhëndri i ish-kryeministrit Sali Berisha ka dalë sërish sot në një konferencë për mediat, për të “zbërthyer” dosjen e SPAK për çështjen e privatizimit të ish-kompleksit sportiv “Partizani”.
Në lidhje me deklarimet e Prokurorisë së Posaçme, se dhëndri i ka paguar Sali Berishës proceset gjyqësore në Francë dhe Britani të Madhe pas shpalljes “non grata”, Malltezi deklaroi se këto pagesa janë rimbursuar 100% nga vajza e tij, Argita. Ai shtoi më tej se ai ka kryer vetëm një pagesë për një gjyq në Francë dhe kjo sipas tij është shënuar si borxh, edhe pse ai nuk e ka problem që t’ia mbulonte.
Më tej ai foli edhe për pagesat e bamirësisë tek Fondacioni për Fëmijët Shqiptarë, që sipas tij, SPAK e ka konsideruar si krim. Malltezi tha se kryen çdo vit pagesa në këtë fondacion dhe janë lekë që dalin nga llogaria e tij bankare dhe që vjeërri i tij, Sali Berisha nuk fiton asgjë.
Jamarbër Malltezi: Prokurorët politikë genjejnë kur shkruajnë se Jamarber Malltezi ka paguar faturat e avokateve të Sali Berishës. Në fakt te gjitha ia ka perballuar e bija, Argita. Unë kam paguar veç për gjyqin në Francë dhe me shumë kënaqësi ia mbuloj, por nuk e kanë pranuar, ndaj është shënuar borxh dhe është deklaruar si borxh edhe në ILDKP. Më pas, janë 2 pagesa të tjera që kam kryer për në Angli me e-banking, por që të dyja janë rimbursuar 100% nga Argita.
Më pas gënjen që pagesat për Fondacionin Fëmijët Shqiptarë të cilat jane zekat-bamirësi për trajtimin e fëmijëve. Këtë zekat e kryej çdo vit, biles e kam kryer edhe para 2 javësh për një fëmijë tjetër në këtë qendër, por mendjet malinje të shërbëtorëve politikë e konsiderojne bamiresine si krim apo vepër penale.
Unë e kryej çdo vit me bankë, pasi kam paguar çdo detyrim tatimor. Çdo lek i paguar shkon për trajtimin e fëmijëve, për pagesat e mjekëve, sanitareve, krijimin e kushteve për trajtimin e fëmijëve. Znj.Berisha punon për humanizëm në mënyrë vullnetare dhe nuk ka asnjë të ardhur, nuk merr pagë, as shpërblim. Pra, vetëm jep për këtë fondacion.
Pra, unë heq para të miat nga banka për të paguar trajtimin e fëmijëve dhe asnjë nga familja Berisha nuk përfiton asnjë lek. Atëherë, pse sherbetoret politike të Edi Ramës e shenojnë bamiresinë si përfitim direkt të Sali Berishës?
Këtë vetëm një mendje malinje e urdhëruar nga shërbimi politik i Edi Ramës mund ta thotë. Nuk ka asnjë fakt, asnjë dëshmi, asnjë dokument që Jamarbër Malltezi ka pranuar apo ka dhënë ryshfet për asnjë person dhe nuk del në asnjë faqe të këtij dokumenti që e quajnë aktakuzë. Por shërbëtorët politikë të Edi Ramës e shpallin bamirësinë si krim, apo si vepër penale.
