Kanë startuar në orën 21:00 katër sfidat e vlefshme për Ligën e Kampioneve e cila në këtë edicion vjen me një format të ri.
Në “San Siro”, Liverpool i është përgjigjur golit të Pulisic duke përmbysur në 1-2 rezultatin përballë Milanit vendas.
Për anglezët fillimisht realizoi Ibrahima Konate në minutën e 23-të, ndërsa Van Dijk në minutën e 41-të përmbysi gjithçka në favor të “The Reds”.
Ndërkohë në Gjermani, Bayern Munich ka gjetur rrugën e rrjetës përballë Dinamos së Zagrebit. Harry Kane me anë të një 11-metërshi ndëshkoi kroatët për të cilët aktivizohet Arbër Hoxha i cili nuk është preferuar titullar nga trajneri Sergej Jakirovic.
Bayern-Dinamo Zagreb 3-0 – VIDEO
Vetëm pak minuta më pas, gjermanë shënojnë edhe 2 gola të tjerë me anë të Guerreiros dhe Olises duke hipotekuar fitoren.
