Nga Basir Çollaku
Burime diplomatike bëjnë me dije se agjentë të FBI më tepër nga zakonisht gjenden prej javësh në Tiranë. Jo nga dërgesa e shpeshtë kohë-gjatë pranë SPAK por një numër i shtuar. Kërkimet e tyre kanë shumë objekt. Përqendrimi është pjesa Rama-McGonigal. Kryesisht gjobvëniet e shumta në dhjetëra milionë dollarë në Shqipëri, Kosovë e vende të rajonit ballkanik. Lejet dhe tregu i energjisë, kryesisht naftës në vendin tonë. Përfshirja ruse e kineze në flirte shërbimesh ekonomike dhe jo vetëm.
Në janar 2025 mbushen tre vite nga regjistrimi kësaj çështje në Strukturën e Posaçme. Ende Edi Rama nuk është ftuar së paku publikisht. Por dëshmitë janë shtuar.
Në kulmin e zhvillimeve shqetësuese për të, Rama gjeti Aleksin të shkrepë një foto përmalluese me Sorosin. Donte një mesazh për mysafirët hetues.
Natyrisht Prokuroria është e kompleksuar ndaj KM dhe i bindet shpesh tekave të tij. Pafuqia e mospavarësisë së saj janë arnimet hetimore. Ka hedhur 500 faqe për Berishën duke dëshmuar sakatllëkun profesional dhe bindjen ideologjike. Ka lënë prej katër vitesh Veliajn të vjedhë pafundësisht familjarisht.
Rama duke ditur se ka shpërthyer moçali ku është futur, ka mbetur me telefon e portofol në dorë për të shantazhuar dhe paguar të huajt.
Si gjithmonë. Fatura po fryhet keq. Sepse duhet të paguajë për vete, për vëllanë, për bashkëshorten, për baxhanakun, për thjeshtrën.
Xhaçkën e mbron tej limiteve duke shpërfillur gjykatën supreme, spse puseta poshtë i ka duart e tij.
Korruptimi i Charles, zv drejtorit të kundërzbulimit të FBI të Nju Yorkut, i dënuar e faj-pranuarnë USA, nuk do të thotë se Rama ia ka gjetur pinin FBI dhe çdo agjenti mbërrin në Tiranë.
Nëse SPAK dhe FBI e kanë seriozisht, në Shqipëri kreu i Mafias e ka një emër. Dhe ata e dinë. E njohin. E takojnë shpesh. Pavarësisht se bën dy punë në të njëjtën zyrë. Por mund të ndodhë të bëjnë marrëveshje, ngaqë meseleja ka shumë diplomatë brenda. Gjithnjë nëse ndodh, do të bëhet në dhe për dy mënyra. Për para ose pushtet. Për të dhënë, për të marrë ose ikur..Deri tani është zbuluar shumë pak. Shumë shumë pak..
